Terjemah bacaan sholat dalam bahasa jawa

TOBAT

Duh ﷲ, gusti kawula ingkang maha suci lan ingkang maha tunggal, kawula nyuwun pangapunten tumprap sedaya dosa lan kalepatan kula, kawula matur sembah nuwun atas paring paduka nikmat saha nugraha, satuhunipun mboten wonten sesembahan sanes ing alam punika kejawi paduka, gusti ﷲ ingkang maha tunggal lan muhamad punika tuhu nabi saha utusan paduka, mboten wonten daya lan kekiatan kejawi saking paduka, amin

SAHADAT

Aku nekseni satemene ora ana pangeran kejaba gusti ﷲ
Aku nekseni satemene kanjeng nabi muhamad iku dadi utusane ﷲ taala

WUDHU

Niyat ingsun wudhu karana ngilangake kadas cilik karana ﷲ

BUBAR WUDHU

Aku nekseni ora ana pangeran kajaba ﷲ kang siji tur ora ana kang nyekutoni lan aku nekseni saktemene nabi muhamad iku dadi utusane ﷲ, duh ﷲ mugi kulo’panjenengan dadosaken golonganipun tiyang kang ahli suci lan dados golonganipun kawula panjenengan ingkang soleh, maha suci panjenengan duh ﷲ lan kaliyan muji panjenengan, kula nekseni boten wonten pengeran kejawi panjenengan kulo nyuwun pangapunten deteng panjenengan lan kulo tobat dateng panjenengan.

NIYAT SHOLAT

Niyat sholat wajib ( ....) (,,,,) rokaat karo madep kiblat tur nekani ing wektune karana ﷲ

IFTITAF

ﷲ zat kang maha agung lan sekabehe puji kagungane ﷲ, kelawan sekehe puji, maha suci ﷲ ana ing esuk lan sore, sayektosipun kulo menika ngadepaken badan kula dateng dzat kang damel langit lan bumi kanthi condong lan pasrah, lan kulo menika sanes golonganipun tiyang musrik, sak temene sholat kulo ngibadah kulo gesang kulo lan pejah kulo menika kagunganipun ﷲ kang mengerani sedaya ngalam, mboten wonten tiyang ingkang nyekutoni ﷲ mekaten ugi kulo dipun printah mboten nyekutoni dateng ﷲ lan kulo menika golonganipun tiyang islam.


( mugi-mugi panjenengan nyembadani panyuwun kula )
RUKUK

Maha suci pangeranku dzat kang luhur lan muji ing ﷲ

IKTIDAL

ﷲ Midhanget marang sakabehing wong kang muji, Duh ﷲ puji sakebak’ipun langit lan bumi, lan sakebak’ipun barang kang panjenengan kersaaken, sak’sampunipun menika sedaya wau namung kagungan panjenengan .

SUJUD

Maha suci pengeranku dzat kang luhur lan muji ing ﷲ

TAHIYAT AWAL

Duh pengeran, kulo mugi paring pangapunten dhateng kulo lan paring welas dhateng kulo lan mugi nambahi sedaya kekurangan kulo lan mugi ngangkat drajat kulo lan mugi paring rizki dhateng kulo lan mugi paring pitedhah, paring pangapunten dhateng kulo.

ATAHIYAT

Reruba,sholawat,barokah sedaya kesaenan menika kagunganipun ﷲ , keslametan,rohmat lan barokah ipun ﷲ mugi tetep dhateng panjenengan, duh nabi ya ﷲ , keslametan mugi tetep dhateng kita lan dhateng kawulanipun ﷲ ingkang soleh, kulo nekseni bilih mboten wonten pengeran kejawi ﷲ lan kulo nekseni bilih nabi muhamad menika utusanipun ﷲ . duh ﷲ mugi paring rohmat dhateng nabi kita muhamad lan keluarganipun.

Kados ingkang panjenengan paringi rohmat dhateng nabi ibrahim lan keluarganipun. Lan mugi paring barokah dhateng nabi kita muhamad lan keluarganipun. Kados anggen panjenengan paringi barokah dhateng nabi ibrahim lan keluarganipun, sayektosipun panjenengan menika dzat kang pinuji tur dzat kang menang wonten ing alam sedaya. Duh ﷲ mugi paring pangapunten dhateng dosa kulo ingkang rumiyin, ingkang kantun, ingkang samar, ingkang terang, saha dosa ingkang keluwihan saha dzat ingkang mboten saget kulo sumerepi. ya ﷲ panjenengan menika dzat ingkang rumiyin lan dzat ingkang kantun mboten wonten pengeran kejawi panjenengan, duh ﷲ kulo nyuwun reksa dhateng panjenengan saking siksa kubur lan neraka tuwin saking pitnah ipun gesang lan pejah, tuwin saking pitnah ipun DAJJAL. Duh ﷲ sejatosipun kulo menika kaningaya dhateng badan kulo kanti kaningoyo ingkang kathah tur akeh, mboten wonten ingkang paring pangapunten kejawi panjenengan mila kulo nyuwun pangapunten dhateng panjenengan tuwin mugi paring wales dhateng kulo.
Sayektosipun panjenengan menika dzat kang paring pangapunten, tuwin welas asih, duh dzat kang ngobahaken manah mugi nekak’aken dhateng manah kulo wonten ing agami islam.

SALAM

Keslametan lan rohmat ﷲ muga muga tetep marang sira kabeh

WIRIDAN

Nyuwun pangapunten dhateng ﷲ kangge badan kulo, tiyang sepuh kalih kulo, tiyang ingkang nggadhahi kwajiban dhateng kulo, lan sedaya tiyang tiyang mukmin lan tiyang islam jaler istri, ingkang gesang lan ingkang sampun pejah, ora ana pengeran kejaba ﷲ , dzat kang sawiji tur ora ana kang nyekutoni, kabeh keraton lan kabeh puji kagungane ﷲ dzat kang paring urip lan pati. ﷲ iku kuwsa marang sekabehe perkara, duh ﷲ panjenengan dzat kang kagungan keslametan, sedaya keslametan saking
panjenengan ugi badhe wangsul dhateng panjenengan, mugi paring gesang dhateng kulo kanthi slamet lan mugi nglebetaken dhateng kulo wonten ing griya keslametan nggih menika swarga, maha luhur lan maha agung panjenengan dzat kang kagungan sifat luhur lan kamulyan.
☻ Al fatekah !!
pengeran sira kabeh iku mung siji ora ana pengeran kejaba dzat kang welas asih.

AYAT KURSI

ﷲ ora ana pengeran kang disembah kejaba gusti ﷲ, dzat kang jumeneng, ﷲ ora bakal kagungan ngantuk lan sare, ﷲ kagungan sekabehe barang kang ana ing langit lan bumi, ora ana wong kang bisa aweh sapangat (pitulungan kejaba kelawan idin’e ﷲ ) ﷲ ngudan’ani utawa weruh barang kang ana ing ngarepe lan mburine makhluk, makhluk ora bakal bisa weruh marang ngilmune ﷲ, kejaba sing wis di kersaake dening ﷲ, keratone ﷲ bisa amot barang kang ana ing langit lan bumi, lan ﷲ ora bakal kabotan ngreksa langit lan bumi, ﷲ dzat kang luhur lan agung.

ﷲ wus mertelak’aken satemene ora ana pengeran kejaba ﷲ, semono uga malaikat lan manungsa kang nduweni ilmu ( anbiyak lan mukmin ) wis mertelak’aken kelawan ngadil, yen ora ana pengeran kejaba dzat kang mulya lan wicaksono, sak temene agama kang diridhoi ﷲ iku agama islam, dawuhana muhamad ya ﷲ kang ngratoni sedaya kraton, panjenengan maringaken keraton dateng tiyang ingkang panjenengan kersaaken, ugi ngandut ( nglepas ) keraton saking tiyang ingkang panjenengan mulyaaken dhateng tiyang ingkang kersaaken, ugi panjenengan ngasoraken dhateng tiyang ingkang panjenengan kersaaken, sedaya kesaenan wonten kuwaos panjenengan, sayektosipun panjenengan menika kuwaos sedaya perkawis, panjenengan menika nglebetaken rina wonten ing wengi, panjenengan ngedalaken barang gesang saking barang pejah, ugi ngedalaken barang pejah saking barang gesang, ugi panjenengan paring rizki dhateng tiyang ingkang panjenengan kersaaken kanthi rizki ingkang jembar.
Subhanaallah maha suci ﷲ
Hamdallah sekabehe puji kangungane ﷲ
Allahu akbar ﷲ maha agung
ﷲ dzat kang luwih agung kelawan agung, lan sekabehane puji kagungane ﷲ kelawan sekabehe puji, maha











DONGA BUBAR SHOLAT

Puji Kagungane ﷲ kang mengerani ngalam kabeh, kelawan puji kang nuhuni marang nikmat ﷲ lan nyukupi marang tambahe nikmat ﷲ. Duh ﷲ sedaya puji punika kagungane panjenengan kados barang kang prayogi tumprap kagungan dzat panjenengan lan keraton panjenengan. Duh ﷲ mugi paring rohmat lan salam dhateng nabi kita Muhamad kanthi rahmat salam ingkang saget selamet kita sedaya keribetan lan pitnah, lan dhatengaken dhateng sedaya hajat saget nunjukaken sedaya keawonan, saget ngangkat wonten ing ngersane panjenengan saget dumugekaken wonten ing panggonanipun seja sedaya kesaenan, nalika gesang utawi sak sampunipun pejah.duh ﷲ kulo nyuwun kawelasan tumprap sedaya nikmat papesthen panjenengan sedaya kesaenanipun barang kados kang sampun dipun suwun dening kanjeng nabi muhamad ingkang dados kawula lan utusan panjenengan lan nyuwun reksa saking awonipun barang kados dene ingkang sampun dipun suwun dening kanjeng nabi muhamad. Ingkang dados kawula &utusanipun panjenengan. Duh ﷲ kulo nyuwun dateng perkawis ingkang netepaken dhateng rohmat panjenengan lan seja-seja ingkangnyuwun dhateng panjenengan lan selamet saking sedaya dosa lan nyuwun keuntungan saking sedaya nikmat kesaenan untung mawi suwarga wilujeng saka neraka ugi dipun sepura nalika dipun hisap. Duh ﷲ mugi ampun . . . dateng manah kulo, sak sampunipun panjenengan paringi pitedah, sejatosipun panjenengan menika dzat kang kathah peparingipun. Duh ﷲ mugi paring pangapunten dhateng tiyang sepuh kalih kulo lan mugi paring kawelasan dhateng tiyang sepuh kekalih kados anggenipun ngupakara dhateng kulo nalika alit, ugi nyuwun pangapunten kangge sedaya tiyang mukmin lan tiyang islam jaler estri ingkang pejah tuwin ingkang gesang. Duh ﷲ mugi paring dateng kulo kesaenan wonten ing donya lan ing akirat lan mugi kareksa wonten saking siksa neraka, mugi ﷲ paring rohmat lan salam dhateng kanjeng nabi muhamad sak kulowarganipun lan sohabatipun, sedaya puji kagungane ﷲ kang mengerani ngalam kabeh